امریکی صدر ڈونلڈ ٹرمپ نے کہا ہے کہ غزہ جنگ کو رکنے میں زیادہ وقت نہیں لگے گا،غزہ پر کنٹرول کرنا اور اسے ملکیت میں لانا اچھی بات ہے، حماس کی زیرحراست یرغمالیوں کی رہائی کیلئے کام کر رہے ہیں،ایران کیساتھ براہ راست بات چیت کرنے جارہے ہیں۔ایران کیساتھ معاہدہ کرنا ترجیح ہے۔ غیر ملکی خبر رساں ا دارے کے مطابق اسرائیلی وزیر اعظم بنیامین نیتن یاہو نے وائٹ ہاس میں امریکی صدر ڈونلڈ ٹرمپ سے ملاقات کی ہے ۔اسرائیلی وزیر اعظم امریکا کی جانب سے لگائے گئے سخت تجارتی محصولات کے خلاف ٹرمپ سے براہِ راست بات کرنے والے پہلے غیر ملکی رہنما بن گئے۔امریکی صدر ڈونلڈ ٹرمپ نے اسرائیلی وزیر اعظم نیتن یاہو کا ویسٹ وِنگ کے باہر استقبال کیا۔یہ نیتن یاہو کا صدر ٹرمپ کے دوبارہ صدر بننے کے بعد دوسرا امریکی دورہ ہے، اور یہ عین اس وقت ہوا جب ٹرمپ نے پچھلے ہفتے "لبریشن ڈے" کے موقع پر اسرائیل پر 17 فیصد ٹیرف لگا دیا تھا۔دونوں رہنمائوں کی ملاقات میں غزہ اور شام کی صورتحال ، امریکا کی جانب سے لگائے گئے سخت ٹیرف سمیت دیگر اہم امور پر بات چیت ہوئی۔ٹرمپ نے اسرائیل کو، جو امریکی فوجی امداد کا سب سے بڑا حاصل کنندہ ہے، اس عالمی ٹیرف سے استثنا دینے سے انکار کر دیا، اور کہا کہ امریکا کو اسرائیل کے ساتھ بڑے تجارتی خسارے کا سامنا ہے۔صدر ٹرمپ نے اسرائیلی وزیر اعظم کے سا تھ وائٹ ہائوس میں گفتگو کرتے ہوئے کہا کہ ٹیرف پر بہت سے ممالک کیساتھ زبردست پیش رفت کر رہے ہیں۔

ٹیرف کا نفاذ روکنے پر غور نہیں ۔انہوں نے بتایا کہ چین، جاپان اور دیگر ممالک سے بات کریں گے،بہت سیممالک ٹیرف پر ہم سیبات کرنا چاہتیہیں، یورپی یونین امریکا سے توانائی خریدے، یورپی یونین کے ساتھ تجارت کو منصفانہ اور باہمی ہونا چاہیے۔ امریکی صدر ٹرمپ نے کہا کہ غزہ جنگ کو رکنے میں زیادہ وقت نہیں لگے گا۔غزہ پر کنٹرول کرنا اور اسے ملکیت میں لانا اچھی بات ہے۔ حماس کی زیرحراست یرغمالیوں کی رہائی کیلئے کام کر رہے ہیں۔ٹرمپ نے کہا کہ اسرائیلی وزیراعظم کے ساتھ ایران اور تجارت پر بات چیت ہوئی۔ایران کیساتھ براہ راست بات چیت کرنے جارہے ہیں۔ایران کیساتھ معاہدہ کرنا ترجیح ہے۔ایران کے ساتھ اعلی سطح بات چیت ہفتے کوہوگی،ایران کیساتھ براہ راست بات چیت میں معاہدہ بھی ہوسکتا ہے ۔امریکی صدر نے پھر دھمکی دی کہ ایران سے بات چیت کامیاب نہ ہوئی تو ایران بڑے خطرے میں آجائے گا،یہ نہیں ہوسکتا کہ ایران کے پاس ایٹمی ہتھیار ہو جبکہ اسرائیل سے کہا ہے اسے ترکیے سے مسئلہ ہے تو میں اسے حل کروں گا۔دوسری جانب اسرائیلی وزیراعظم نے ٹرمپ سے ملاقات میں کہاکہ امریکا کیساتھ تجارتی خسارے کو ختم کریں گے، صدر ٹرمپ سے غزہ اورشام سے متعلق بھی گفتگو ہوئی۔اسرائیلی وزیراعظم کا کہنا تھا کہ غزہ سے متعلق ایک اور ڈیل کیلئے کام کررہے ہیں،غزہ کے لوگوں کو کہیں بھی جانے کا انتخاب کرنا چاہیے۔ہم نہیں چاہتے کہ شام کو ترکیے اپنے مقاصد کیلئے استعمال کرے۔وائٹ ہائوس کے مطابق امریکی صدر ٹرمپ اور نیتن یاہو کی طے شدہ مشترکا پریس کانفرنس منسوخ کردی گئی۔

کریڈٹ: انڈیپنڈنٹ نیوز پاکستان-آئی این پی