برطانیہ کے سابق وزیراعظم اور موجودہ وزیر خارجہ ڈیوڈ کیمرون نے کہا ہے کہ اسرائیل کے خلاف برسر پیکار فلسطینی مزاحمتی تنظیم حماس کے رہنمائوں کو غزہ چھوڑ کر نکل جانا چاہیے،ہائوس آف لارڈ میں گفتگو کرتے ہوئے ڈیوڈ کیمرون کا کہنا تھا حکومت ہمیشہ سے فلسطین کے دو ریاستی حل کو سپورٹ کرتی آئی ہے اور اس موقع پر فلسطین کو تسلیم کرنا بھی اسی پالیسی کا حصہ ہے، برطانیہ نے اس حوالے سے اپنے اتحادیوں سے بھی مشاورت کی ہے تاہم برطانیہ ایک خود مختار ملک ہے جس کی اپنی خارجہ پالیسی ہے جو برطانوی وزیراعظم اور سیکرٹری خارجہ پارلیمنٹ میں پیش کرتے ہیں،برطانوی وزیر خارجہ کا کہنا تھا فلسطین کا دو ریاستی حل حماس کے لیے تحفہ نہیں ہے، دو ریاستی حل کے ذریعے فلسطینیوں کو بہتر مستقبل دینا چاہیے جبکہ اسرائیل کو غزہ پٹی میں امدادی سامان داخل ہونے کی اجازت دے دینی چاہیے،ڈیوڈ کیمرون نے کہا کہ اسرائیل کو اپنے دفاع کا پورا حق ہے تاہم اسرائیل بین الاقوامی قوانین کی بھی پابندی کرے۔

کریڈٹ: انڈیپنڈنٹ نیوز پاکستان-آئی این پی