متحدہ عرب امارات کی وفاقی اتھارٹی نے 2026 کے نئے سال کے موقع پر سرکاری اور پرائیوٹ ملازمین کے لیے تعطیل اور ریموٹ ورک کے شیڈول کا اعلان کر دیا ہے۔ سرکاری سرکلر کے مطابق جمعرات یکم جنوری 2026 کو ملازمین کو چھٹی ہوگی جبکہ جمعہ 2 جنوری کو وفاقی ملازمین کے لیے ریموٹ ورک کا دن ہوگا، تاہم وہ ملازمین جن کا کام دفتر میں حاضری کا متقاضی ہے انہیں معمول کے مطابق کام پر حاضر ہونا ہوگا۔ نئے سال کی تقریبات کے سلسلے میں ملک بھر میں شاندار آتشبازی اور ڈرون شوز کی تیاریاں جاری ہیں

راس الخیمہ میں 6 کلومیٹر طویل ساحل پر 15 منٹ کی آتشبازی ہوگی جس میں 2,300 سے زائد ڈرونز، لیزرز اور پائرو ٹیکنکس استعمال کیے جائیں گے، اس پروگرام کے دوران سب سے بڑی واحد آتشبازی کے لیے گنیز ورلڈ ریکارڈ کے قیام کا بھی ہدف ہے۔ دبئی میں نئے سال کی شام کو گلوبل ولیج، اٹلانٹس دی پام اور بلیو واٹرز آئی لینڈ میں شاندار آتشبازی، ڈرون شوز، کنسرٹس اور بیچ پارٹیز منعقد کی جائیں گی جبکہ ابوظہبی میں شیخ زاید فیسٹیول کے تحت 62 منٹ کی طویل آتشبازی اور دنیا کی سب سے بڑی ڈرون پرفارمنس پیش کی جائے گی جس میں ثقافتی اور ورثہ کی سرگرمیاں بھی شامل ہوں گی۔

کریڈٹ: انڈیپنڈنٹ نیوز پاکستان-آئی این پی