امریکی ڈیموکریٹ سیاستدان عبدالرحمن محمد السید نے یہودی ریاست کیلئے فنڈنگ سے متعلق بیانات کو یہود مخالف تصور قرار دینے کی کوشش پر امریکی میزبان کو لاجواب کر دیا۔ غیرملکی میڈیا رپورٹ کے مطابق عبدل السید نے کہا کسی غیر ملکی حکومت کے اقدامات کے دفاع کے لئے یہود دشمنی کے خدشے کو استعمال کرنا یہودی امریکیوں کی فلاح و بہبود کو نقصان پہنچانا ہے۔انہوں نے کہا کہ یہود دشمنی اور اسلاموفوبیا ایک ہی نوعیت کے مسائل ہیں اور ہمیں دونوں کا مقابلہ کرنا ہو گا، ہم اس پر خاموش نہیں بیٹھ سکتے کہ امریکا کی سالانہ 3 ارب 30 کروڑ ڈالرز کی بنیادی امداد نسل پرستانہ علیحدگی کی مالی معاونت کیلئے کیوں استعمال ہو رہی ہے۔امریکی ڈیموکریٹ سیاستدان کا کہنا ہے کہ گزشتہ چند برس میں ہونے والی نسل کشی کی جنگ میں ہمارا شامل ہونا ضروری نہیں تھا، ہمیں کسی بھی حکومت کو غیر مشروط فوجی امداد نہیں دینی چاہیے۔

کریڈٹ: انڈیپنڈنٹ نیوز پاکستان-آئی این پی