یوکر ین کے صدر ولادومیر زیلنسکی کی جانب سے روسی صدر پیوٹن کو آمنے سامنے امن مذاکرات کیلئے چیلنج کر دیا گیا۔ غیرملکی میڈیارپورٹس کے مطابق وولوڈیمیر زیلینسکی نے روسی صدر کو جمعرات کے روز استنبول میں امن مذاکرات کے لیے ذاتی طور پر ملنے کا چیلنج دے دیا۔رپورٹ میں کہا گیا کہ زیلنسکی کا یہ رد عمل اس وقت سامنے آیا جب پیوٹن نے یوکرین اور یورپی اتحادیوں کی جانب سے 30 دن کی جنگ بندی پر دستخط کرنے کے مطالبے کو مسترد کر دیا تھا تاہم یہ ضرور کہا تھا کہ روس یوکرین کے ساتھ براہ راست مذاکرات کے لیے تیار ہے۔ اگرچہ یورپی رہنمائوں نے اصرار کیا ہے کہ جب تک پیوٹن جنگ بندی پر راضی نہیں ہوتے تب تک کوئی مذاکرات نہیں ہونے چاہیے۔ واضح رہے کہ روسی صدر پیوٹن نے یوکرین کے ساتھ براہ راست امن مذاکرات کی پیش کش کرتے ہوئے کہا کہ یہ مذاکرات 15 مئی کو ترکیہ کے شہر استنبول میں ہونے چاہئیں جن کا مقصد ایک پائیدار امن کا قیام اور جنگ کی بنیادی وجوہات کا خاتمہ ہو۔

کریڈٹ: انڈیپنڈنٹ نیوز پاکستان-آئی این پی