یونان کے الیگزینڈروپولیس شہر میں جنگ مخالف کارکنوں کے ایک گروپ نے ریلوے پر رکاوٹیں کھڑی کرکے امریکہ اور نیٹو کے لیے ٹینکوں کو لے جانے والی ٹرین کو روک دیا ہے ،یونان کی کمیونسٹ پارٹی (KKE)کے ارکان کے ایک گروپ نے الیگزینڈروپولیس شہر میں ریلوے پر جنگ مخالف احتجاجی مظاہرہ کیا،کارکنوں نے الیگزینڈروپولیس سامراجیوں کا قلعہ نہیں، یہ عوام کی بندرگاہ ہے کے نعرے لگائے،کارکن خود ٹرین کی پٹڑی پر لیٹ گئے اور امریکہ اور نیٹو ٹینکوں کو لے جانے والی ٹرین کو روک لیا، مظاہرین نے احتجاج کے دوران جہاں فلسطینی جھنڈے بھی اٹھارکھے تھے وہیں مظاہرین نے ٹرین میں ٹینک پر قاتلوں، اپنے گھروں کو واپس جا ئوکے نعرے لگائے۔الیگزینڈروپولیس ، ترکیہ اور بلغاریہ کی سرحدوں کے قریب، یوکرین-روس جنگ کے بعد رومانیہ اور بلغاریہ کے راستے مشرقی یورپ کو نیٹو کے فوجی سازوسامان کی ترسیل کے لیے ایک متبادل راستہ بن گیا ہے۔

کریڈٹ: انڈیپنڈنٹ نیوز پاکستان-آئی این پی