جاپان کے قومی ادارہ برائے سیاحت نے کہا ہے کہ 2023 کے دوران غیر ملکی سیاحوں نے یہاں ریکارڈ رقم خرچ کی جو عالمی وبا سے پہلے کی سطح اور حکومت کے سالانہ ہدف 50کھرب ین سے زیادہ ہے،این ایچ کے نے سیاحتی ادارے کے تازہ ترین اعداد و شمار کے حوالے سے بتایا کہ بیرونی سیاحوں نے گزشتہ سال یہاں قیام کے دوران تقریبا 53کھرب ین(36ارب ڈالر خرچ)کیے جن میں رہائش کے اخراجات بھی شامل ہیں،یہ رقم 2019کے ریکارڈ سے تقریبا 10فیصد زیادہ ہے،ادارے نے کہا کہ فی مسافر اوسط خرچ 212,000ین (تقریبا 1,400ڈالر )رہا جو 4سال پہلے کے مقابلے میں ایک تہائی زیادہ ہے۔قومی سیاحتی ادارے کا اندازہ ہے کہ گزشتہ سال بیرونی سیاحوں کی تعداد اڑھائی کروڑ سے کچھ زائد رہی تھی، یہ 2019کے ریکارڈ کا تقریبا 80فیصد اور 2022کے مقابلے میں تقریبا ساڑھے 6گنا اضافہ ہے۔

کریڈٹ: انڈیپنڈنٹ نیوز پاکستان-آئی این پی