جاپان کے مغربی ساحلوں کے کھلے سمندر میں کیمیائی مادہ لدے ہونے والا ٹینکر غرقاب ہو گیا ، جس کے بعد عملے کے 5ارکان کی تلاش کی جا رہی ہے۔سرکاری ٹیلی ویژن این ایچ کے کے مطابق، جنوبی کوریا پرچم بردار کیمیکل ٹینکر مغربی صوبے کے شہر شیمونوسیکی کے کھلے سمندر میں تیز آندھی اوربلند لہروں کی وجہ سے الٹ گیا۔ اس حادثے کے وقت ٹینکر پر8انڈونیشین، 2جنوبی کوریائی اور 1چینی سمیت عملے کے 11ارکان سوار تھے جن میں سے 6 کو زندہ بچا لیا گیا ہے۔ طیارے اور گشتی جہازوں کے ذریعے 5لاپتہ افراد کی تلاش اور امدادی سرگرمیاں جاری ہیں۔

کریڈٹ: انڈیپنڈنٹ نیوز پاکستان-آئی این پی