پاکستان اور بھارت کے درمیان جنگ بندی ہونے کے باوجود 24 بھارتی ائیرپورٹس تاحال بند ہیں ۔میڈیارپورٹس کے مطابق دونوں مملک میں جنگ بندی کے باوجود24 ائیرپورٹ کا فلائٹ آپریشن پیر کو بھی غیر فعال رہا ۔تمام طیارے بھی ہٹا لیے گئے جبکہ 444 پروازیں منسوخ کردی گئیں ۔رپورٹ کے مطابق امرتسر، سرینگر، جموں، لداخ، دھرم شالا،شملہ، آدم پور، چندی گڑھ سمیت مختلف شہروں میں تمام پروازیں منسوخ کردی گئیں۔رپورٹ کے مطابق 7 روز سے بند سری نگر ائیرپورٹ سے روزانہ کی 65 پروازیں منسوخ کردی گئیں، لداخ کے لیح کوشک ائیرپورٹ کی بھی تمام 30 پروازیں منسوخ ہیں جبکہ جموں ائیر پورٹ کی 30 پروازیں منسوخ ہیں اور تمام طیارے ہٹا لیے گئے ۔ اس کے علاوہ دھرمشالہ کی 14،چندریگڑھ کی تمام 84 پروازیں، جودھ پور ایئرپورٹ کی 20 پروازیں منسوخ کردی گئیں، راجکوٹ ہیراسر ائیرپورٹ کی 20 پروازی یں ور گجرات کے بھوج ائیرپورٹ سے 10 پروازیں منسوخ کردی گئیں۔اس کے علاوہ بھی بھارت کے متعدد ائیر پورٹس غیر فعال ہیں اور ان ائیرپورٹس سے شیڈول فلائٹس معطل کردی گئیں ۔

کریڈٹ: انڈیپنڈنٹ نیوز پاکستان-آئی این پی