امریکی وزیر خزانہ اسکاٹ بیسنٹ نے تیل کی قیمتوں میں بڑی کمی کی پیشگوئی کردی۔امریکی ٹی وی کو انٹرویو میں اسکاٹ بیسنٹ نے کہا کہ جنگ کے بعد توانائی کی قیمتیں بہت کم ہونی چاہئیں۔انہوں نے مستقبل میں مارکیٹ میں تیل کی قیمتوں میں بڑی کمی کی پیشگوئی کرتے ہوئے کہا کہ امریکا کی توانائی برآمدات اب بلند سطح پر ہیں۔امریکی وزیر خزانہ نے مزید کہا کہ امریکی توانائی برآمدات کو صرف انفرا اسٹرکچر کی کمی روک رہی ہے، امریکا توانائی کی منڈیوں میں بڑا فاتح ہے۔ان کا کہنا تھا کہ آبنائے ہرمز سے مزید جہاز گزرتے دیکھے تو حیرانی نہیں ہوگی، ایران کو جہازوں سے ٹول وصول کرنے کی کوششوں سے زیادہ فائدہ نہیں ہو رہا۔اسکاٹ بیسنٹ نے کہا کہ صدر ڈونلڈ ٹرمپ کی چین کے صدر کے ساتھ آئندہ ملاقات میں کسی تبدیلی کا امکان نہیں۔

کریڈٹ: انڈیپنڈنٹ نیوز پاکستان-آئی این پی