کینیڈا کے شہر لندن، اونٹاریو میں پاکستانی نژاد خاندان کے چار افراد کو جان بوجھ کر اپنی گاڑی کے نیچے کچلنے والے نیتھینیل ویلٹمن کو دہشتگردی کا مجرم بھی قرار دیدیا گیا ہے،23سالہ سفید فام انتہا پسند نیتھینیل ویلٹمن نے جون 2021میں سلمان افضال اور ان کے اہل خانہ پر اپنی گاڑی چڑھا دی تھی،ویلٹمن کو نومبر 2023میں پہلے ہی سلمان افضال، ان کی اہلیہ مدیحہ افضال، بیٹی یمنی افضال اور والدہ طلعت افضال کے قتل اور ایک کم سن بیٹے کے اقدامِ قتل کا مجرم قرار دیا جا چکا ہے، جس کے تحت اسے پیرول کے بغیر 25سال عمر قید کی سزا کاٹنا پڑے گی،جاں بحق ہونے والے46سال کے سلمان فزیوتھراپسٹ تھے جبکہ ان کی 44سالہ بیوی ویسٹرن یونیورسٹی لندن میں پی ایچ ڈی اسکالر تھیں اور سلمان کی 74سال کی والدہ پاکستان سے وزٹ ویزے پرکینیڈا آئی تھیں، واقعے میں سلمان کی 15سال کی بیٹی بھی جاں بحق ہوئی جبکہ ایک بچہ زخمی ہوا تھا،غیر ملکی میڈیا کے مطابق کینیڈا کی تاریخ میں پہلی بار کسی مقدمے میں دہشتگردی کے قانون کا اطلاق کیا گیا ہے۔

کریڈٹ: انڈیپنڈنٹ نیوز پاکستان-آئی این پی