کولمبیا کے صدر گستا وو پیٹرو نے منشیات کے اسمگلروں سے ضبط کیا گیا سونا فلسطینیوں کی مدد کیلئے غزہ بھیجنے کا اعلان کردیا۔کولمبیا کے صدر نے سوشل میڈیا پر جاری پیغام میں کہا کہ یہ سونا جنگ سے متاثرہ فلسطینی بچوں کے علاج اور غزہ کی تعمیر نو کیلئے استعمال کیا جائے گا۔ صدر پیٹرو نے اس اقدام کو انسانیت اور عالمی یکجہتی کی مثال قرار دیدیا۔ان کا کہنا تھا کہ وہ انسانیت کی بنیاد پر فلسطینی عوام کے ساتھ کھڑے ہیں اور اس مشکل گھڑی میں غزہ کی مدد کے لے عملی اقدامات کریں گے۔انہوں نے غزہ کی تعمیر نو اور بحالی کیلئے عالمی فورس بنانے سے متعلق اقوام متحدہ میں قرار داد پیش کرنے کا بھی اعلان کردیا۔ یاد رہیکہ صدر گستاوو پیٹرو فلسطین کے حامی سمجھے جاتے ہیں۔ وہ ماضی میں بارہا اسرائیلی فوجی کارروائیوں اور انسانی حقوق کی خلاف ورزیوں پر سخت تنقید کر چکے ہیں۔کولمبیا نے گزشتہ سال درجنوں زخمی فلسطینی بچوں کو طبی امداد کیلئے بگوٹا کے اسپتالوں میں علاج کی سہولت بھی فراہم کی تھی۔

کریڈٹ: انڈیپنڈنٹ نیوز پاکستان-آئی این پی