کولمبیا میں سکول بس بے قابو ہوکر کھائی میں جا گری جس کے نتیجے میں 17 طالب علم ہلاک اور 20زخمی گئے۔غیرملکی خبر رساںادارے کے مطابق صوبہ انتیوکیا کے گورنر آندریس جولین نے بتایا کہ بس ایک سکول ٹرپ کے بعد کیریبین کے ساحلی قصبے ٹولو سے میڈیین جا رہی تھی، طلبہ اتوار کی رات ساحل پر اپنی گریجویشن کا جشن منا رہے تھے، حادثے میں کم از کم 20 افراد زخمی ہوئے ہیں ۔ابتدائی اطلاعات کے مطابق 45 مسافروں کو لے جانے والی گاڑی تاحال نامعلوم وجوہات کی بنا پر تقریبا 80 میٹر گہری کھائی میں گری ہوئی ہے، واقعے کی وجوہات کی تحقیقات جاری ہیں، جاں بحق ہونے والوں میں بس کا ڈرائیور بھی شامل تھا۔

کریڈٹ: انڈیپنڈنٹ نیوز پاکستان-آئی این پی