مغربی افریقہ کے ملک مالی میں ایک مسافر بس پل سے گر نے کے نتیجے میں 31افراد جان سے ہاتھ دھو بیٹھے ،حادثہ 27فروری کو مقامی وقت کے مطابق شام کو تقریبا 5بجے پیش آیا تھا۔بدقسمت بس مالی کے علاقے کینیبا سے ہمسایہ ملک برکینا فاسو جا رہی تھی جب وہ دریائے بگوئی کو عبور کرتے ہوئے پل سے الٹ گئی، واقعے میں کم از کم 10افراد زخمی ہوئے جس میں بیشتر کی حالت تشویشناک ہے۔وزارت ٹرانسپورٹ نے ایک بیان میں کہا کہ بس کینیبا کمیون سے برکینا فاسو جا رہی تھی، ایک پل سے ٹکرا گئی، جس کی ممکنہ وجہ ڈرائیور کا گاڑی پر سے کنٹرول کھو دینا ہے۔ان کاکہنا تھا کہ متاثرین میں مالی اور مغربی افریقہ کے دیگر علاقوں کے شہری شامل ہیں۔

کریڈٹ: انڈیپنڈنٹ نیوز پاکستان-آئی این پی