برطانیہ میں گریٹر مانچسٹر پولیس نے مانچسٹر ایئرپورٹ پر تقریبا 20 لاکھ پانڈ مالیت کا سونا اور زیورات ضبط کرلیے، یہ مانچسٹر پولیس کی جانب سے اب تک کی سب سے بڑی سونا ضبطی قرار دی جارہی ہے۔تفصیلات کے مطابق پولیس نے 30 اکتوبر کو مانچسٹر ایئرپورٹ پر ایک مشکوک گاڑی کو روکا جس سے 7 سونے کی اینٹیں برآمد ہوئیں جس کی مالیت تقریبا 7 لاکھ پانڈ بتائی گئی۔ ابتدائی تحقیقات کے بعد دو مشتبہ افراد، جن کی عمریں 49 اور 45 سال ہیں، کی نشاندہی کی گئی، دونوں افراد کو پیر کی شب برطانیہ واپسی پر گرفتار کرلیا گیا۔پولیس کے مطابق ملزمان اب بھی حراست میں ہیں جبکہ منی لانڈرنگ کے شبہ میں تحقیقات جاری ہیں۔مزید تلاشی کے دوران پولیس کو ایک لاکھ پائونڈ مالیت کا اضافی سونا اور زیورات بھی ملے، جبکہ بریڈفورڈ میں واقع ایک رہائشی مقام سے 60 ہزار پانڈ کے سونے کے بسکٹ، 30 ہزار پانڈ مالیت کی گھڑی اور نقد رقم برآمد ہوئی۔پولیس نے عوام سے اپیل کی ہے کہ اگر کسی کے پاس اس واقعے سے متعلق معلومات ہوں تو فورا رابطہ کریں تاکہ تحقیقات میں مدد مل سکے۔

کریڈٹ: انڈیپنڈنٹ نیوز پاکستان-آئی این پی