یوکرین کے صدر ولادیمیر زیلنسکی نے کہا ہے کہ روسی فوج نے مارچ میں ان کے ملک پر حملوں میں 400سے زائد میزائل استعمال کیے ہیں۔سوشل میڈیا پر اپنے بیان میں زیلنسکی نے کہا ہے کہ روس نے مارچ میں یوکرین پر کئی میزائلوں اور ڈراونز سے حملے کیے۔زیلنسکی نے بتایا کہ صرف مارچ میں روسی فوج نے یوکرین کے خلاف حملوں میں 400سے زیادہ قسم کے میزائل، 600سے زیادہ "شاہد" نامی ڈراونز اور 3ہزار سے زیادہ گائیڈڈ بم استعمال کیے ہیں۔یوکرین کے مختلف شہر اور دیہات اس دہشت گردی کا شکار ہیں، روس فرنٹ لائن کے علاقوں اور سرحدوں پر مقیم طبقوں کو سختی سے نشانہ بنا رہا ہے۔"زیلنسکی نے توجہ مبذول کراتے ہوئے کہا کہ 24فروری 2022کو جنگ شروع ہونے کے بعد سے خرکیف شہر پر میزائلوں اور ڈراونز سے حملے کیے ہیں، تا ہم اب یہ "خرکیف پر فضائی حملیکر رہے ہیں۔ اس کا مطلب ہے شہر میں روزانہ جانی نقصان ہو رہا ہے ، اہم بنیادی ڈھانچہ تباہ ہو رہا ہے مکانات کو نقصان پہنچ رہا ہے۔"

کریڈٹ: انڈیپنڈنٹ نیوز پاکستان-آئی این پی