برطانیہ کی وزیر برائے بے گھر افراد روش آرا علی نے اپنے مکان کا کرایہ بڑھانے پر ہونے والی شدید تنقید کے بعد عہدے سے استعفی دیدیا۔برطانیہ کے وزیراعظم ہائوس ٹین ڈاننگ اسٹریٹ کی جانب سے جاری بیان میں کہا گیا ہے کہ روشن آرا علی کا استعفی ایک نجی پراپرٹی کے معاملے کے بعد سامنے آیا۔برطانوی میڈیا رپورٹس کے مطابق مستعفی وزیر روشن آرا علی نے اپنے مکان کا کرایہ 700 پانڈ ماہانہ بڑھایا تھا۔رپورٹس کے مطابق مکان کا کرایہ بڑھانے پر روشن آرا علی کو شدید تنقید کا سامنا تھا، مستعفی وزیر روشن آرا علی پر فلاحی اداروں اور حزب اختلاف نے شدید تنقید کی تھی۔بنگلا دیشی نژاد روشن آرا علی نے عہدے سے استعفی دینے کو اپنے لیے مشکل فیصلہ قرار دیتے ہوئے کہا کہ نہیں چاہتی کہ میرے ذاتی معاملات حکومت کے اہم اور پرعزم کام میں رکاوٹ بنیں، میں نے ہمیشہ قانونی تقاضوں کی مکمل پیروی کی ہے۔اس حوالے سے برطانوی وزیراعظم سر کیئر اسٹارمر نے اس حوالے سے کہا کہ روشن آرا علی نے بے گھری کے مسئلے پر موثر کام کیا، یقین ہے روشن آرا علی اپنی جماعت اور حلقے کی خدمت جاری رکھیں گی۔

کریڈٹ: انڈیپنڈنٹ نیوز پاکستان-آئی این پی