مقبوضہ کشمیر سمیت دنیا بھر میں مقیم غیور کشمیریوں نے 26جنوری کو بھارتی یوم جمہوریہ کو یوم سیاہ کے طور پر منایا،کشمیر میڈیا سروس کے مطابق آل پارٹیز حریت کانفرنس کی کال پر گزشتہ روز لائن آف کنٹرول کے دونوں جانب اور دنیا بھر کے کشمیری بھارتی یوم جمہوریہ کو یوم سیاہ کے طور پر منایا،کشمیری برادری کی جانب سے دنیا بھر میں یوم سیاہ منانے کا مقصد عالمی برادری کو یہ پیغام دینا ہے کہ دنیا میں جنت نظیر خطے کے باسی 70سال سے بھارتی غاصبانہ قبضے اور تشدد کی فضا میں سانس لے رہے ہیں، جہاں اپنے حق کے لیے آواز بلند کرنے والے کشمیریوں پر بھارتی افواج نے ظلم و ستم کے پہاڑ توڑ رکھے ہیں لیکن اس کے باوجود کشمیریوں کے حوصلے بلند ہیں اور وہ بھارتی غاصبانہ قبضے کو مسترد کرتے ہوئے اپنی آزادی اور حق خود اداریت کے لیے جدوجہد جاری رکھیں گے،خیال رہے کئی دہائیوں سے اس دن صرف مقبوضہ کشمیر میں ہی نہیں پاکستان سمیت دنیا بھر میں بسنے والے کشمیری بھرپور احتجاج کرتے ہیں، مظاہروں جلسے جلوسوں اور سیمینارز کے ذریعے عالمی برادری کو باور کروایا جاتا ہے کہ بھارت دنیا کی سب سے بڑی جمہوریت کا لبادہ اوڑھ کر عالمی برادری کو گمراہ کررہی ہے،حریت رہنمائوں کی جانب سے بھی بھارت کے یوم جمہوریہ کو یوم سیاہ کے طور پر منانے کے اعلان پر مودی سرکار نے سری نگر میں غیر اعلانیہ کرفیو نافذ کر رکھا ہے،قابض بھارتی افواج نے وادی بھر میں کسی بھی ممکنہ احتجاج پر کریک ڈائون کرتے ہوئے حریت رہنماوں اور کارکنان کی رات سے ہی پکڑ دھکڑ شروع کردی تھی۔

کریڈٹ: انڈیپنڈنٹ نیوز پاکستان-آئی این پی