تلنگانہ کے وزیر اعلی ریونت ریڈی نے وزیر اعظم نریندر مودی پر سنگین الزامات عائد کرتے ہوئے کہا ہے کہ پاکستان کے خلاف جنگ صرف امریکی صدر ڈونلڈ ٹرمپ کے دبا ئوپر روکی گئی۔ غیرملکی میڈیارپورٹس کے مطابق حیدرآباد میں جئے ہند یاترا سے خطاب کرتے ہوئے ریونت ریڈی نے کہا کہ مودی حکومت نے نہ صرف قوم کو اندھیرے میں رکھا بلکہ آل پارٹی میٹنگ کے بغیر جلد بازی میں جنگ بندی کا فیصلہ کیا۔انہوں نے سوال اٹھایا کہ جب پوری اپوزیشن، بشمول راہل گاندھی اور ملکارجن کھڑگے، پاکستان مقبوضہ کشمیر کو واپس لینے کے لیے حکومت کے ساتھ کھڑی تھی، تو پھر مودی نے پیچھے ہٹنے کا فیصلہ کیوں کیا؟ کیا یہ قومی مفاد کے خلاف ایک فیصلہ نہیں؟۔تلنگانہ کے وزیر اعلی اے ریونت ریڈی نے وزیر اعظم نریندر مودی پر سخت حملہ کرتے ہوئے کہا کہ وہ 140 کروڑ ہندوستانیوں کو بتائیں کہ حالیہ فوجی تنازع کے دوران پاکستانی فوج نے ہمارے کتنے رافیل طیارے مار گرائے تھے۔

کریڈٹ: انڈیپنڈنٹ نیوز پاکستان-آئی این پی