مودی سرکار نے بھارتی میڈیا کو ہی جھوٹا قرار دے دیا۔بھارتی میڈیا نے ایک بار پھر اپنی جھوٹی اور غیر ذمہ دارانہ صحافت کا ثبوت دیتے ہوئے پاکستان کے خلاف پراپیگنڈے کی نئی مہم چھیڑ دی، بھارتی سوشل میڈیا اکائونٹس اور چینلز نے دعوی کیا کہ پاکستان اور بھارت کے جنگی طیارے ایل او سی کے اوپر پرواز کر رہے ہیں اور پاکستانی فوج نے لائن آف کنٹرول پر بلا اشتعال فائرنگ کی ہے۔خبر رساں ادار ے اے این آئی نے ان دعوں کو فیک نیوز قرار دے کر خود بھارتی میڈیا کو بے نقاب کر دیا، بھارتی دفاعی ذرائع نے بھی تصدیق کی کہ نہ کوئی غیر معمولی فضائی سرگرمی ہوئی نہ کوئی سیز فائر کی خلاف ورزی کی گئی۔دیگر بھارتی ریاستی اداروں نے بھی واضح کر دیا ہے کہ میڈیا کی پھیلائی گئی خبریں محض افواہیں ہیں جن کا زمینی حقائق سے کوئی تعلق نہیں، یہ پہلی بار نہیں آپریشن سندور کے دوران بھی بھارتی میڈیا کی جھوٹی رپورٹنگ نے ناصرف عالمی ساکھ کو نقصان پہنچایا بلکہ خود بھارتی عوام میں بھی اس کے خلاف نفرت پیدا کی۔بھارتی میڈیا اب صرف ایک پراپیگنڈا آلہ بن چکا ہے جو ریاستی جنگجو عناصر کے اشارے پر خطے میں کشیدگی بڑھانے کے لئے جھوٹ پھیلاتا ہے، بھارتی میڈیا کا حال یہ ہے کہ اب اس کے اپنے ادارے اور عوام بھی اسے فیک نیوز سمجھتے ہیں۔پاکستانی سکیورٹی ذرائع کے مطابق بھارتی میڈیا اب سچ نہیں صرف اپنے آقاں کا لکھا سکرپٹ پڑھتا ہے، ایل او سی پر صورتحال معمول کے مطابق ہے اور بھارتی میڈیا کا مقصد ایل او سی پر عدم استحکام پیدا کرنا ہے۔

کریڈٹ: انڈیپنڈنٹ نیوز پاکستان-آئی این پی