مصر میں 2 منی بسوں کے درمیان خوفناک تصادم کے نیتجے میں 9 افراد ہلاک اور11 زخمی ہوگئے۔غیر ملکی خبررساں ادارے کے مطابق مصر کے شمالی علاقے میں حادثہ رنگ روڈ پر پیش آیا جہاں دو تیز رفتار منی بسیں آپس میں ٹکرا گئیں، حادثے میں 11 افراد زخمی بھی ہوئے جنہیں اسپتال منتقل کردیا گیا۔وزارتِ صحت کے مطابق یہ حادثہ قاہرہ سے تقریبا 50 کلومیٹر شمال میں واقع گاں بنی سلامہ کے قریب مصروف شاہراہ پر پیش آیا۔یہ شاہراہ پر ایک ہفتے کے دوران دوسرا جان لیوا حادثہ ہے۔ اس سے قبل 27 جون کو ایک لاری اور منی بس کے تصادم میں 19 افراد ہلاک ہوئے تھے، جن میں زیادہ تر نوجوان لڑکیاں شامل تھیں جو روزانہ مزدوری کے لیے سفر کر رہی تھیں۔ادھر صدر عبدالفتاح السیسی نے واقعے کے بعد سڑکوں کی حفاظت کے لیے فوری اقدامات کا حکم دیا ہے۔ صدارتی دفتر کے مطابق، انہوں نے ہدایت دی ہے کہ مرمت کے تحت سڑکوں کو بند کرنے اور متبادل محفوظ راستے فراہم کرنے کے امکانات کا جائزہ لیا جائے۔ اس کے ساتھ ساتھ ٹریفک قوانین کی خلاف ورزی کرنے والوں کے خلاف فوری قانونی کارروائی کی جائے۔

کریڈٹ: انڈیپنڈنٹ نیوز پاکستان-آئی این پی