امریکی وزیر خارجہ مارکو روبیو نے کہا ہے کہ متعدد ملک غزہ کیلئے بین الاقوامی فورس میں حصہ لینے کو تیار ہیں۔غیرملکی خبررساںادارے کے مطابق امریکی وزیر خارجہ نے مغربی کنارے کے انضمام سے متعلق اسرائیلی پارلیمنٹ کے اقدام کو غزہ معاہدے کیلئے خطرناک قرار دیا ہے۔امریکا کی درخواست پر برطانوی فوجیوں کو غزہ امن منصوبے کی نگرانی کیلئے اسرائیل میں تعینات کردیا گیا۔برطانوی میڈیا کے مطابق برطانوی فوج کے ایک سینئر کمانڈر اور محدود تعداد میں فوجیوں کو امریکا کی درخواست پر غزہ امن منصوبے کی نگرانی کیلئے اسرائیل بھیجا گیا ہے۔اس سے قبل امریکی سینٹ کام کے سربراہ ایڈمرل بریڈ کوپر نے کہا تھا کہ غزہ امن منصوبے کی نگرانی کیلئے روانہ ہونے والے 200 فوجیوں میں امریکی فوجی شامل نہیں ہوں گے۔

کریڈٹ: انڈیپنڈنٹ نیوز پاکستان-آئی این پی