اسرائیلی عہدیدار نے دعوی کیا ہے کہ اسرائیلی وزیر اعظم نیتن یاہو نے اتوار کو ٹرمپ کو کال کر کے کہا جنگ بندی نہ کریں۔غیرملکی میڈیارپورٹ کے مطابق اسرائیلی عہدیدار نے کہا کہ نیتن یاہو نے ایسے کسی بھی اقدام پر خدشے کا اظہار کیا، ٹرمپ نے نیتن یاہو سے کہا کہ ایران نے امریکی شرائط مانی تو سیزفائر ہوگا۔عہدیدار کے مطابق ٹرمپ نے کہا کہ اس مطالبے سے دستبردار نہیں ہوں گے کہ ایران افزودہ یورینیم حوالے کرے اور آئندہ افزودگی نہ کرنے کی یقین دہانی کرائے۔

دوسری جانب اسرائیلی صحافی امیت سگال نے لاپتہ امریکی فضائی اہلکار کی خبر دینے کا اعتراف کر لیا۔ امریکی نیوز میگزین نیوز ویک کے مطابق اسرائیلی صحافی امیت سگال نے لاپتہ امریکی فضائیہ کے اہلکار کی خبر سب سے پہلے دی تھی۔ اسرائیلی صحافی امیت سگال کا کہنا ہے کہ میں اپنے ذرائع کی حفاظت کروں گا۔واضح رہے کہ امریکی صدر ڈونلڈ ٹرمپ نے صحافی کو ذرائع نہ بتانے پر جیل بھیجنے کی دھمکی دی تھی۔

کریڈٹ: انڈیپنڈنٹ نیوز پاکستان-آئی این پی