غزہ میں اسرائیلی فوج کی بمباری کے نتیجے میں فلسطین کے ایک معروف فنکار علا قدوحہ اپنے خاندان سمیت جاں بحق ہو گئے،فلسطینی میڈیا کے مطابق اسرائیلی فوج کی جانب سے جنوبی غزہ کے نصیرات کیمپ میں فلسطینی فنکار علا قدوحہ کے گھر پر بمباری کی گئی جس کے نتیجے میں گھر میں موجود وہ اور ان کے اہل خانہ کے افراد موقع پر ہی شہید ہو گئے،مقتول فلسطینی فنکار قدوحہ 2023 میں "اسرائیلی جنرل موشے" کے کردار کو مجسم کرنے کیلئے مشہور ہوئے اور انہوں نے سماجی رابطے کی ویب سائٹ "ٹک ٹاک" پر ایک مختصر ویڈیو نشر کرنے کے بعد عرب دنیا میں ناظرین کو اپنی طرف متوجہ کیا،اسرائیلی فوجیوں کے ساتھ جھڑپ میں ایک مصری فوجی کے مارے جانے کے بعد لوگ "اسرائیلی جنرل موشے" کی ویڈیوز کی طرف متوجہ ہوئے، یہ فوجی غلطی سے کسی مجرمانہ عنصر کا پیچھا کرنے کیلئے سرحد سے پار چلا گیا تھا۔

کریڈٹ: انڈیپنڈنٹ نیوز پاکستان-آئی این پی