مائیکروبلاگنگ ویب سائٹ ایکس (سابق ٹوئٹر)کے سابق چیف ایگزیکٹوز نے ایلون مسک پرمقدمہ کردیا۔ غیر ملکی میڈیا رپورٹس کے مطابق ان چیف ایگزیکٹوز میں بھارت کے پراگ اگروال بھی شامل ہیں اور ان اعلی افسروں کا کہنا ہیکہ 2022 میں ایلون مسک نے کمپنی کا اختیار سنبھالا تو وہ ملازمتوں سے محروم ہوگئے۔ مقدمے میں الزام عائد کیا گیا ہے کہ مسک نے انہیں بغیر کسی وجہ کے نوکری سے نکال دیا، پھر جعلی وجوہات بنائیں اور اپنے فیصلے کو برقرار رکھنے کے لیے اپنی مختلف کمپنیوں کے ملازمین کو نوکریاں دیں۔ مقدمے میں مطالبہ کیا گیا کہ ایلون مسک ہرجانے کے طورپر 128 ملین ڈالرز ادا کریں۔

کریڈٹ: انڈیپنڈنٹ نیوز پاکستان-آئی این پی