وینزویلا میں سونے کی کان منہدم ہونے سے 23افراد ہلاک ہو گئے،غیر ملکی میڈیا رپورٹس کے مطابق وینزویلا کی ریاست بولیوار میں غیر قانونی طور پر چلائی جانے والی سونے کی کان منہدم ہونے سے 23افراد جان کی بازی ہار گئے، ریسکیو حکام نے آپریشن کے بعد ہلاک ہونے والے تمام افراد کی لاشیں نکال لی ہیں۔سول پروٹیکشن کے نائب وزیر کارلوس پیریز امپویڈا نے سماجی رابطے کے پلیٹ فارم ایکس پر واقعے کی ویڈیو بھی شیئر کی جس میں دکھایا گیا کہ کان کی ایک دیوار کھلے گڑھے میں کام کرنے والے مزدورں پر آہستہ آہستہ گر رہی ہے، کچھ بھاگنے میں کامیاب ہو گئے جبکہ دیگر لپیٹ میں آ گئے،حکام کے مطابق تقریبا 200افراد کان میں کام کر رہے تھے،بولیوار کا علاقہ سونا، ہیرے، لوہے، باکسائٹ، کوارٹج اور کولٹن سے مالا مال ہے۔

کریڈٹ: انڈیپنڈنٹ نیوز پاکستان-آئی این پی