سعودی وزیر اقتصادیات فیصل الابراہیم نے کہا ہے کہ سعودی عرب اپریل 2024کے دوران ورلڈ اکنامک فورم کے خصوصی اجلاس کی میزبانی کرے گا،ورلڈ اکنامک فورم کا اجلاس 28اور 29اپریل کو ہو گا،جس میں بین الاقوامی تعاون، شرح نمو اور توانائی کے موضوعات پر توجہ مرکوز کی جائے گی۔سعودی وزیر اقتصاد یات فیصل الابراہیم نے مزید کہا کہ درپیش مشکل حالات کو مدنظر رکھتے ہوئے ہی سعودی وژن 2030ترتیب دے کر نافذ کیا گیا،سعودی عرب اس کی بدولت طاقتور بنا اور مستقبل میں مزید بہتر ہو گا،وزیر اقتصاد یات ومنصوبہ بندی نے توجہ دلائی کہ سعودی عرب اپنی پیداواری اور اقتصادی مسابقت کی استعداد بڑھانے کے لیے سیاحت کو فروغ دے رہا ہے۔

کریڈٹ: انڈیپنڈنٹ نیوز پاکستان-آئی این پی