امریکا میں 30 سے زا ئد میڈیا اداروں نے پینٹاگون کی نئی میڈیا پالیسی پر دستخط سے انکار کر تے ہوئے پینٹاگون میں دفتر خالی کر دئیے ۔غیرملکی میڈیارپورٹ کے مطا بق درجنوں صحافیوں نے امریکی محکمہ دفاع میں اپنے دفاتر خالی کردئیے جس کے بعد ، پینٹاگون کاپریس ایریا بھی سنسان ہو گیا۔میڈیا اداروں نے نئی پالیسی کو آزادی صحافت اور آزادانہ رپورٹنگ کیلئے خطرہ قرار دیدیا۔ ایک بیان میں کہا کہ پابندیاں امریکی فوج کی رپورٹنگ کرنے سے نہیں روک سکتیں۔ پینٹاگون پریس ایسوسی ایشن نے اسے صحافتی آزادی کے لئے سیاہ دن قرار دیا ہے۔دوسری جانب پینٹا گون کے ترجمان نے دعوی کیا کہ نئی میڈیا پالیسی قومی سلامتی کے مفاد میں ہے۔یاد رہے کہ پینٹاگون نے میڈیا کو حساس مواد شائع نہ کرنے کا حلف نامہ دینے کا پابند کیا تھا ، تاہم بعد میں حلف نامے کی جگہ Acknowledge کرنے کے الفاظ ہدایت کا حصہ بنائے گئے۔گزشتہ روز بھی اے بی سی، سی بی ایس، سی این این، این بی سی اور فاکس نیوز نے ایک مشترکہ بیان جاری کیا جو سی این این کمیونیکیشن کے سوشل میڈیا اکانٹ پر شیئر کیا گیا۔ان اداروں کا کہنا تھا کہ یہ نئے تقاضے صحافیوں کی ملک اور دنیا کو اہم قومی سلامتی کے مسائل کے بارے میں باخبر رکھنے کی صلاحیت کو محدود کر دیں گے۔

کریڈٹ: انڈیپنڈنٹ نیوز پاکستان-آئی این پی