کویتی حکومت نے رام مندر کے افتتاح پر جشن منانے والے بھارتی شہریوں کو ملک چھوڑنے کا حکم دیدیا،تفصیلات کے مطابق متنازع رام مندر کے افتتاح پر جشن کے معاملے پر کویت نے اسلام دشمن مودی سرکار کو آئینہ دکھا دیا، 22جنوری کو مودی سرکار کی جانب سے بابری مسجد کو مسمار کر کے رام مندر کا افتتاح کیا گیا، بابری مسجد کے انہدام اور رام مندر کے افتتاح کو ہندوتوا شدت پسندوں نے دنیا بھر میں جشن منایا،کویت کی دو مختلف کمپنیوں میں 9بھارتی شہریوں نے 22جنوری کو رام مندر کے افتتاح پر اپنے ساتھیوں میں مٹھائیاں تقسیم کیں، بھارتی شہریوں کے اس اقدام پر کویتی حکام نے بروقت کاروائی عمل میں لائی،کویت میں بھارتی شہریوں کو رام مندر کے افتتاح کی خوشیاں منانے پر نہ صرف نوکری سے برخاست کیا گیا بلکہ اسی رات ملک چھوڑنے کا بھی حکم دیا گیا،واضح رہے کہ ماضی میں بھی بھارتی شہری مختلف اسلام دشمن کارروائیوں کی وجہ سے سزاں اور ملک بدری کا سامنا کرتے رہے، ہندو انتہا پسندوں کی عالمی سطح پر بڑھتی شدت پسندی کا انہیں وقتا فوقتا خمیازہ بھگتنا پڑ رہا ہے۔

کریڈٹ: انڈیپنڈنٹ نیوز پاکستان-آئی این پی