جرمنی کی وزیر خارجہ 'اینا لینا بیئر باک' رواں ہفتے کے وسط میں اسرائیلی دورے پر جائیں گی، جرمن وزارت خارجہ کے ترجمان نے ایک بیان میں کہا کہ وزیر خارجہ کا دورہ غزہ مین جنگی وقفے کے لیے ہے جب اسرائیل رفح میں جنگ پھیلانے کے منصوبہ بنا رہا ہے،جرمن وزیر خارجہ 'اینا لینا بیئر باک' نے سوشل میڈیا پلیٹ فارم ' ایکس' پر اس بارے میں لکھا ہے' رفح میں نقل مکانی کر کے جنگ اور تباہی سے بچنے کے لیے آنے والے 13لاکھ فلسطینیوں کی تکالیف یقین اور تصور سے بھی کہیں زیادہ ہیں، اب اسرائیلی فوج کی طرف سے رفح میں ایک جارحیت انسانی تباہی کا سبب بنے گی، انہوں نے اس بارے میں مزید لکھا کہ اسرائیل کو حماس سے اپنا دفاع ضرور کرنا چاہیے مگر اسے یہ بھی دیکھنا چاہیے کہ اس دوران عام لوگوں کی مشکلات میں اضافے کے بجائے کمی ہو، اسی غرض کے لیے غزہ میں جاری جنگ میں وقفہ کیا جانا ضروری ہے۔ جنگ میں وقفہ اسرائیلی یرغمالیوں کی رہائی کے لیے بھی ضروری ہے، میں اسرائیل کے دورے میں دوبارہ یہ بات کروں گی۔

کریڈٹ: انڈیپنڈنٹ نیوز پاکستان-آئی این پی