اقوام متحدہ کے دفتر برائے رابطہ برائے انسانی امور کے ترجمان نے کہا ہے کہ رفح سے فلسطینیوں کی جبری انخلا کی کسی بھی کارروائی میں حصہ نہیں لیں گے،عرب میڈیا کے مطابق اقوام متحدہ کے دفتر برائے رابطہ برائے انسانی امور کے ترجمان نے کہا ہے کہ اسرائیل نے غزہ کی پٹی میں رفح کے علاقے کو خالی کرنے کے منصوبے کے بارے میں انفرادی یا مشترکہ طور پر دفتر سے رابطہ نہیں کیا، دفتر رفح سے فلسطینیوں کی جبری انخلا کی کسی بھی کارروائی میں حصہ نہیں لے گا، جینز لایرکے نے رفح کے منصوبوں کے بارے میں کہا کہ اسرائیلی حکام نے کبھی بھی ہمارے ساتھ باضابطہ طور پر بات نہیں کی، انہوں نے کہا کہ اقوام متحدہ جبری یا غیر ارادی طور پر انخلا میں حصہ نہیں لیتی، اس وقت شہریوں کے انخلا میں سہولت فراہم کرنے کا کوئی منصوبہ نہیں ہے۔

کریڈٹ: انڈیپنڈنٹ نیوز پاکستان-آئی این پی