روس سے وابستہ جمہوریہ توو میں ایک تھرمل اسٹیشن میں دھماکہ ہوا جس میں23افراد زخمی ہو گئے جن میں سے 6کی حالت نازک ہے ، جمہوریہ تووا میں واقع شاگونار قصبے کے تھرمل اسٹیشن کے بوائلنگ روم میں مقامی وقت کے مطابق صبح 8بج کر 49منٹ پر شدید دھماکہ ہوا ، دھماکے کے بعد بوائلنگ روم کی عمارت میں آگ لگ گئی جس پر وہاں موجود مزدوروں کو ریسکیو ٹیموں نے باہر نکالا ۔ نکالے جانے والے مزدوروں میں سے 15کے جسم جل چکے ہیں جنہیں زہریلی گیس تنفس کرنے کی وجہ سے اسپتال میں داخل کر دیا گیا ہے جن میں سے 6کی حالت نازک ہے ، دھماکے میں معمولی زخمی ہونے والے 8مزدوروں کو بر وقت طبی امداد دینے کیلیے فارغ کر دیا گیا ہے۔ابتدائی تفتیش کے دوران معلوم ہوا ہے کہ یہ دھماکہ اسٹیشن کے کوئلے کے گودام میں میتھین گیس کے اخراج کے نتیجے میں ہوا تھا۔دھماکے کے بعد قصبے کی 62عمارتوں اور 216مکانوں کو ہیٹنگ کی سہولت منقطع ہو گئی ۔

کریڈٹ: انڈیپنڈنٹ نیوز پاکستان-آئی این پی