روس نے یوکرین پر ڈرونز سے تازہ حملے کردئیے ۔ غیرملکی خبر رساں ادارے کے مطابق روس نے یوکرین پر ڈرون حملوں سے اوڈیسا اور چرنیہیو میں پاور سائٹ کو تباہ کر دیا، روس نے 142 ڈرون سے یوکرینی انرجی سیکٹر کو نشانہ بنایا۔ رپورٹ میں مزید بتایا گیا کہ حملوں سے 60 ہزار گھروں کی بجلی منقطع ہوگئی، دوسری جانب یوکرین کے صدر زیلنسکی نے روس پر جوابی حملے کرنے کا اعلان کر دیا۔ واضح رہے کہ گزشتہ دنوں بھی روس نے راتوں رات 119 ڈرون حملے کئے تھے جن میں سے 71 کو کیف اور دیگر علاقوں میں مار گرایا گیا جبکہ 37 دیگر ڈرونز نامعلوم مقامات پر گرے تھے جس کے باعث یوکرین کے مختلف علاقوں میں کافی نقصان ہوا تھا۔

کریڈٹ: انڈیپنڈنٹ نیوز پاکستان-آئی این پی