امریکی صدر ڈونلڈ ٹرمپ کا کہنا ہے کہ روسی صدر ولادیمیر پیوٹن نے یوکرین کی سیکیورٹی ضمانت منظور کرلی، کوشش کریں گے کہ امریکا، روس اور یوکرین مل کر کام کریں۔وائٹ ہاس میں یوکرینی صدر سے ملاقات کے بعد یورپی رہنماں اور یوکرینی صدر زیلنسکی کے ہمراہ مشترکہ پریس کانفرنس کرتے ہوئے ڈونلڈ ٹرمپ نے کہا کہ ہم سب پائیدار امن کے لیے کام کرنے کے ساتھ فوری جنگ بندی کو ترجیح دیں گے۔امریکی صدر ڈونلڈ ٹرمپ نے مزید کہا کہ روس یوکرین امن معاہدہ مستقبل قریب میں ہو سکتا ہے۔اس موقع پر یوکرینی صدر نے کہا کہ صدر ٹرمپ سے سیکیورٹی ضمانتوں سمیت حساس معاملات پر بات کی، ہم سب اس جنگ کو ختم کرنا اور روس کو روکنا چاہتے ہیں۔یوکرینی صدر نے کہا کہ اہم یہ ہے کہ امریکا سیکیورٹی سے متعلق مضبوط سگنل دے، صدر ٹرمپ امریکا، روس، یوکرین سہ فریقی ملاقات کروانے کی کوشش کریں گے، یوکرین کو خوشی ہوگی کہ صدر ٹرمپ روس یوکرین رہنماں کی ملاقات میں شامل ہوں۔

کریڈٹ: انڈیپنڈنٹ نیوز پاکستان-آئی این پی