سعودی عرب میں 3 روز دوران 17 افراد کو سزائے موت دی گئی جس کے بعد رواں سال سزائے موت دئیے جانے والے مجرمان کی تعداد 239 تک پہنچ گئی ۔غیر ملکی خبررساں ا دارے کے مطابق سعودی عرب میں گزشتہ روز 2 سعودی شہریوں کو دہشت گردی کے جرم میں سزائے موت دی گئی، جبکہ اس سے پہلے 15 افراد کو سزائے موت دی گئی تھی۔سعودی پریس ایجنسی کے مطابق ان افراد میں اکثریت غیر ملکیوں کی تھی جنہیں منشیات کی سمگلنگ کے جرم میں سزائے موت دی گئی، سزائے موت پانے والوں میں سے 13 افراد کو حشیش سمگل کرنے اور ایک کوکین سمگل کرنے کے جرم میں سزا دی گئی۔خبررساں ایجنسی کے مطابق سعودی عرب میں گزشتہ سال ریکارڈ 338 افراد کو سزائے موت دی گئی تھی جبکہ رواں سال اب تک 239 افراد کو سزائے موت دی جاچکی ہے، رواں سال اب تک دی گئی سزاں میں سے 161 منشیات سے متعلق جرائم میں دی گئیں جبکہ سزائے موت پانے والے افراد میں 136 افراد غیر ملکی شہری ہیں۔

کریڈٹ: انڈیپنڈنٹ نیوز پاکستان-آئی این پی