سعودی عرب کے حکام نے مسجد الحرام اور مسجد نبوی جانے والے زائرین کو ماسک لازمی پہننے کی ہدایت جاری کر دی،حرمین شریفین کے نگران اعلی ادارے کی جانب سے جاری بیان میں زائرین سے اپیل کی گئی ہے کہ اگر وہ سانس کے مرض کی علامتیں محسوس کریں تو ایسی صورت میں دوسروں کی خاطر ماسک پابندی سے استعمال کریں،سماجی رابطے کی ویب سائٹ ٹوئٹر پر اپنے بیان میں ادارے نے خاص طور پر مسجد الحرام جانے کیلئے مکہ مکرمہ اور مسجد نبوی جانے کیلئے مدینہ منورہ میں موجود زائرین پر ماسک کی پابندی لازمی قرار دی،حرمین شریفین کے نگران ادارے نے زائرین کو یہ بھی ہدایت کی کہ وہ مشروبات زیادہ سے زیادہ استعمال کریں، اپنے آرام کا حد درجہ خیال کریں اور ڈاکٹر کے مشورے کے بغیر اینٹی بائیوٹک ہرگز استعمال نہ کریں۔

کریڈٹ: انڈیپنڈنٹ نیوز پاکستان-آئی این پی