جرنلسٹس پروٹیکشن کمیٹی نے سال 2023کو صحافیوں کے لیے برا سال قرار دیتے ہوئے کہا ہے کہ اس دوران دنیا بھر میں 320صحافیوں کو جیل جانا پڑا، جرنلسٹس پروٹیکشن کمیٹینے اس صورت حال کو آزاد آوازوں کو روکنے کی کوشش قرار دیا ہے،کمیٹی کے مطابق جب سے اس نے سالانہ بنیادوں پر رپورٹ جاری کرنا شروع کی ہے یہ دوسرے بلند ترین اعدادو شمار ہیں، کمیٹی کے مطابق سال 2022اس سلسلے میں سب سے زیادہ گرفتاریوں کا سال رہا تھا،سال 2022میں مجموعی طور پر 367صحافی قید کیے گئے تھے، عرب میڈیا کے مطابق ان میں سے کچھ کی ضمانت پر رہائی ہو گئی تھی اور کچھ سزا کے منتظر ہیں، سال 2023کی سالانہ رپورٹ کے مطابق' میانمار، چین اور بیلاروس ان ملکوں میں شامل ہیں جنہوں نے کل گرفتار کیے گئے صحافیوں کی ایک تہائی تعداد کو گرفتار کیا، اسرائیل بھی اس معاملے میں نمایاں رہا اور چھٹے نمبر پر آیا تاہم اس کی فوج کے ہاتھوں صحافیوں کی ہلاکتوں کی تعداد جسے کمیٹی کی اس رپورٹ میں شامل نہیں کیا گیا ، بد قسمتی سے دنیا مہذب اور جمہوری ملک اسرائیل کے ساتھ کھڑے ہیں۔ اسی بے بسی کے عالم میںصحافتی کارکنوں اور انتظامیہ نے دنیا بھر میں احتجاجی ریلیاں منعقد کیں اور دنیا کو جھنجوڑ نے کی کوشش کی ہے کہ غزہ میں صحافیوں کو اسرائیلی بمباری سے بچایا جائے،ادھر ایران بھی صحافیوں کی گرفتاریوں میں چھٹے نمبر آیا ہے۔ کمیٹی کے سربراہ جوڈی گینس برگ نے صحافیوں کے ساتھ اس سلوک کو دنیا میں آمرانہ سوچ اور حکومتوں کا فروغ قرار دیا ہے۔

کریڈٹ: انڈیپنڈنٹ نیوز پاکستان-آئی این پی