سفارتی تنازع کی وجہ سے کینیڈا جانے والے بھارتی طلبا کی تعداد میں 85فیصد کمی آگئی،کینیڈا کے امیگریشن کے وزیر مارک ملر نے رائٹرز کو ایک انٹرویو میں بتایا کہ سفارتی تنازع کی وجہ سے پچھلے سال بھارتی طلبہ کو اسٹڈی پرمٹس کے اجرا میں 85فیصد تک کمی ہوئی،مارک ملر نے کہا کہ ناکافی رہائشی سہولیات کی وجہ سے کینیڈین حکومت بھی ملک میں بین الاقوامی طلبا کی مجموعی تعداد کو کم کرنے کا ارادہ رکھتی ہے کیونکہ ابھی ہمارے پاس طلبا کی تعداد بہت زیادہ ہے،ملر نے کہا کہ حکومت اس سال کی پہلی ششماہی کے دوران بین الاقوامی طلبا کی تعداد کو کم کرنے کیلئے اقدامات متعارف کرائے گی۔ طلبا کے لیے کیمپس سے باہر کام کے اوقات میں کمی کا منصوبہ بھی زیر غور ہے۔بھارتی خفیہ ایجنسی کے کینیڈا کی سرزمین پر خالصتان تحریک کے سکھ رہنماوں کے قتل کی سازش میں ملوث ہونے پر دونوں ملکوں کے تعلقات تناو کا شکار ہیں۔

کریڈٹ: انڈیپنڈنٹ نیوز پاکستان-آئی این پی