متحدہ عرب امارات کی ریاست شارجہ کے ایک مکان میں آتشزدگی کے نتیجے میں پاکستانی باپ بیٹی جاں بحق ہو گئے۔عرب میڈیا کے مطابق شارجہ میں ایک اپارٹمنٹ میں آگ لگنے کی وجہ سے پاکستانی شہری اور اس کی 11سالہ بیٹی دم گھٹنے سے چل بسی، آتشزدگی کے باعث خاندان کے 3افراد جھلس کر زخمی ہوئے جنہیں ہسپتال کے انتہائی نگہداشت کے وارڈ میں داخل کیا گیا ہے،شارجہ میں پاکستان کے پریس قونصلر محمد صالح کا کہنا ہے کہ متاثرہ خاندان کو ہرممکن سفارتی امداد فراہم کی جا رہی ہے، آزمائش کی گھڑی میں پاکستانی خاندان کے ساتھ ہیں۔

کریڈٹ: انڈیپنڈنٹ نیوز پاکستان-آئی این پی