امریکا کے سابق صدر ڈونلڈ ٹرمپ  نے کہا ہے کہ صدر بنا تو برطانوی شہزادہ ہیری کے ساتھ امریکا میں خصوصی برتاؤ نہیں رکھا جائے گا،عالمی میڈیا  کی رپورٹ کے مطابق ٹرمپ  نے کہاکہ بائیڈن انتظامیہ نے برطانوی جوڑے پر بہت زیادہ مہربانی کی، برطانوی شہزادہ ہیری نے ملکہ برطانیہ الزبتھ دوم کو دھوکا دیا، اس بات کی شہزادہ ہیری کو معافی نہیں مل سکتی،سابق امریکی صدر نے کہا کہ امریکا کا صدر منتخب ہوا تو شہزادہ ہیری کی کوئی مدد نہیں کروں گا، فیصلہ کرنا میرے اختیار میں ہوا تو ہیری اپنے ذمہ دار خود ہوں گے۔واضح رہے کہ برطانوی شہزادہ ہیری اور ان کی اہلیہ میگھن مارکل 2020میں امریکا منتقل ہوگئے تھے۔دوسری جانب سابق امریکی صدر ٹرمپ نے جنوبی کیرولینا میں بھی ریپبلکن پرائمری الیکشن میں کامیابی حاصل کر لی ہے، ٹرمپ نے وکٹری پارٹی سے خطاب میں کہا میں بائیڈن کو الیکشن میں شکست دینے کیلئے تیار ہوں۔

کریڈٹ: انڈیپنڈنٹ نیوز پاکستان-آئی این پی