پی ٹی آ ئی رہنما اسد قیصر نے دعوی کیا ہے کہ 2022 کے سیلاب کے بعد حکومت کو ورلڈ بینک نے موسمی ریڈارز کیلئے فنڈنگ کی۔اپنے ایک بیان میں اسد قیصر نے کہا کہ 2022 کے سیلاب کے بعد حکومت کو ورلڈ بینک نے موسمی ریڈارز کیلئے فنڈنگ کی لیکن3 سال گزرنے کے باوجود حکومت اس کا ٹینڈر پراسس مکمل نہ کرسکی۔انہوں نے کہا کہ اسی غفلت سے عوام کوسیلابی صورتحال کی بروقت اطلاع نہ مل سکی اور عوام کو جانی ومالی نقصان برداشت کرنا پڑا۔اسد قیصر نے مزید کہا کہ 2022 کے سیلاب کے بعدحکومت کواربوں ڈالرامداد ملی، افسوس یہ امداد مستحقین تک نہیں پہنچائی گئی۔

کریڈٹ: انڈیپنڈنٹ نیوز پاکستان-آئی این پی