پاکستان کی اسپیس اینڈ اپسٹریٹ ریسرچ آرگنائزیشن (سپارکو) نے کہا ہے کہ ربیع الاول 1447 ہجری کا چاند 23 اگست 2025 کو دن 11:06 بجے پیدا ہونے کی توقع ہے جبکہ 24 اگست کی شام نئے چاند کی عمر 32 گھنٹے 13 منٹ ہوگی۔ترجمان سپارکو کی طرف سے جاری بیان کے مطابق ساحلی علاقوں میں غروبِ آفتاب اور غروبِ قمر میں 45 منٹ کا فرق ہوگا، فلکیاتی اعداد و شمار کے مطابق 24 اگست کو چاند نظر آنے کے اچھے امکانات ہیں۔آرگنائزیشن نے بتایا کہ امکان ہے ربیع الاول کی پہلی تاریخ 25 اگست 2025 کو ہوگی، چاند کی رویت کا حتمی فیصلہ مرکزی رویت ہلال کمیٹی کرے گی۔اگر یکم ربیع الاول 25 اگست کو ہوتی ہے تو 5 ستمبر 2025 بروز جمعہ 12 ربیع الاول ہوگی۔

کریڈٹ: انڈیپنڈنٹ نیوز پاکستان-آئی این پی