اینٹی نارکوٹکس فورس (اے این ایف) نے ملک کے مختلف شہروں میں6 کارروائیاں کرتے ہوئے11ملزمان کو گرفتار کرلیا اور ان سے 106.530 کلو گرام منشیات برآمد کرلی ۔ترجمان اے این ایف کے مطابق اسلام آباد ایئرپورٹ کے کارگو شیڈ میں برطانیہ بھیجے جانے والے پارسلز سے 2 کلو ہیروئن برآمد کر کے 3 ملزم کو گرفتار کیا گیا، راولپنڈی چکلالہ میں کوریئر آفس میں برطانیہ سے بھیجے گئے پارسل سے 130 گرام وزنی 74 ایکسٹسی گولیاں برآمد ہوئیں۔اے این ایف نے بتایا کہ شام کوٹ ٹول پلازہ خانیوال کے قریب گاڑی کے خفیہ خانوں سے 60 کلو منشیات برآمد کی اور 4 ملزمان کو گرفتار کیا، کراچی سہراب گوٹھ روڈ پر جمالی پل کے قریب گاڑی سے 37.2 کلو منشیات برآمد کر کے ملزم کو گرفتار کیا۔اسلام آباد ایکسپریس وے پر گاڑی کے خفیہ خانوں سے 4.8 کلو منشیات برآمد کر کے 3 ملزمان کو گرفتار کیا گیا، ساہیانوالا انٹرچینج فیصل آباد کے قریب ملزم کے قبضے سے 2.4 کلو منشیات برآمد کی گئی، گرفتار ملزمان کے خلاف انسداد منشیات ایکٹ کے تحت مقدمات درج کیے گئے۔

کریڈٹ: انڈیپنڈنٹ نیوز پاکستان-آئی این پی