عارف والا کے نواحی گائو ں 2 ای بی میں گیس لیکج کے باعث خوفناک آتشزدگی کے نتیجے میں ہنستا بستا گھر اجڑ گیا،ما ں اور دو کمسن بچیاں جاںبحق ہوگئیں۔ریسکیو حکام کے مطابق حادثہ اس وقت پیش آیا جب کمرے میں گیس سلنڈر سے چولہا جلایا جا رہا تھا اور اچانک گیس لیکج کے باعث آگ بھڑک اٹھی جس سے ماں اور اس کی دو کم سن بچیاں جھلس کر جاں بحق ہو گئیں۔حکام کا کہنا ہے کہ آگ لگنے کے دوران شوہر شدید جھلس گیا جسے تشویشناک حالت میں ساہیوال ہسپتال منتقل کر دیا گیا ہے، جاں بحق ہونے والوں میں 26 سالہ صفیہ، ایک سالہ فضلیت اور 3 سالہ گلشن شامل ہیں۔

کریڈٹ: انڈیپنڈنٹ نیوز پاکستان-آئی این پی