سپریم کورٹ کے جسٹس محمد علی مظہر کی زیر صدارت نو تشکیل شدہ نیشنل جوڈیشل آٹومیشن کمیٹی نے عدالتی نظام میں ڈیجیٹل تبدیلی کی رفتار تیز کرنے کا عزم ظاہر کیا ہے۔کمیٹی میں سپریم کورٹ، وفاقی شرعی عدالت اور ہائی کورٹس کے انفارمیشن ٹیکنالوجی کے ماہر ججز ، وزارت انفارمیشن ٹیکنالوجی و ٹیلی کمیونیکیشن ، نیشنل انفارمیشن ٹیکنالوجی بورڈ اور لا اینڈ جسٹس کمیشن کے اہم نمائندگان شامل ہیں۔ کمیٹی نے متفقہ طور پر عدلیہ کے لیے کارکردگی کی نگرانی کا ایک ڈیش بورڈ تیار کرنے کا فیصلہ کیا۔ MOITT اس مقصد کے لیے ایک ٹیم تعینات کرے گا جس میں سپریم کورٹ اور لا اینڈ جسٹس کمیشن میں تعینات ایک نمائندہ بھی شامل ہوگا.یہ انٹرایکٹو ڈیش بورڈ نگرانی کو بہتر بنائے گا، شواہد پر مبنی فیصلہ سازی میں معاونت کرے گا اور عدالتی اداروں میں زیادہ احتساب اور شفافیت کو فروغ دے گا، ڈیش بورڈ کا ایک فعال پروٹوٹائپ پندرہ دنوں کے اندر پیش کیے جانے کی توقع ہے،کمیٹی نے فیصلہ کیا کہ MOITT ورچوئل سماعتوں کے لیے ویڈیو کانفرنسنگ کے لیے سپریم کورٹ اور ہائی کورٹس کا ایک جامع سائٹ سروے کرے گی۔

کریڈٹ: انڈیپنڈنٹ نیوز پاکستان-آئی این پی