پاک فوج کے شعبہ تعلقات عامہ (آئی ایس پی آر) کی سمر انٹرن شپ 2025 کامیابی سے مکمل ہوگئی،ملک بھر سے ہزاروں طلبہ نے بھرپور شرکت کی۔چھ ہفتوں پرمشتمل اس انٹرن شپ میں 33 شہروں کے ساڑھے 6 ہزار سے زائد طلبہ نے حصہ لیا،شرکا کا تعلق ملک کے ڈیڑھ سو سے زائد سرکاری اورنجی تعلیمی اداروں سے تھا، تعلیمی و تربیتی سرگرمیوں کے ساتھ ساتھ طلبہ کو نامور شخصیات سے خصوصی نشستوں کا موقع ملا۔انٹرنز نے پی ایم اے کا کول،این سی ٹی سی پبی اورپاکستان آرڈیننس فیکٹری واہ سمیت مختلف فوجی تنصیبات کا بھی دورہ کیا،دوروں کے دوران طلبہ نیپاک فوج کی آپریشنل تیاریوں اوردفاعی صلاحیتوں کا قریب سے جائزہ لیا،سمرانٹرنشپ کے دوران ڈی جی آئی ایس پی آر کے ساتھ خصوصی نشست بھی رکھی گئی۔طلبا کا کہنا تھاکہ یہ پروگرام ان کے لئے سیکھنے اور آگے بڑھنے کا سنہری موقع ثابت ہوا،اختتامی تقریب میں طلبا کو آئی ایس پی آر کی جانب سے اعزازی اسناد بھی دی گئیں۔

کریڈٹ: انڈیپنڈنٹ نیوز پاکستان-آئی این پی