حیدرآباد میں جے ایف تھنڈر 17 نام کا 40 من وزنی قربانی کا بیل شہریوں کی توجہ کا مرکز بن گیا۔ بیل کو خریدنے کے لیے آنے والے تاجر بارات کی شکل میں پہنچے تو کئی پکوانوں سے ان کی خاطر تواضع کی گئی ۔ میڈیارپورٹ کے مطابق عیدِ قرباں سے قبل حیدر آباد کے علاقے لیاقت کالونی میں 40 من وزنی قربانی کا جانور توجہ کا مرکز ہے ، مویشیوں کے تاجر شاہ رخ نے اپنے بھاری بھر کم جانور کی قیمت لگائی تو سودا 50 لاکھ روپے میں طے ہو گیا۔جب بچھڑے کی رخصتی کا وقت آیا تو شاہ رخ نے پنڈال سجا لیا، بارات کی شکل میں خریدار کے ساتھ آنے والے افراد کی خوب خاطر تواضع کی گئی، بلکہ مہمانوں اور میزبانوں نے ایک دوسرے کو نوٹوں اور پھولوں کے ہار پہنائے اور ثقافتی اجرک پیش کیں۔خوبصورت اور بھاری بھرکم قربانی کے جانور کو دیکھنے کے لیے شہری دور دور سے آ رہے ہیں اور سیلفیاں بنا کر خوشی کا اظہار کر رہے ہیں۔

کریڈٹ: انڈیپنڈنٹ نیوز پاکستان-آئی این پی