بانی پی ٹی آئی عمران خان کے خلاف ملک بھر میں درج مقدمات کی تعداد 186 تک پہنچ گئی ۔ وزارت داخلہ اور اسلام آباد پولیس کی الگ الگ رپورٹس کے مطابق پنجاب میں 99، خیبرپختونخوا میں 2، اسلام آباد میں 74 مقدمات درج ہیں جبکہ ایف آئی اے کے پاس 7 مقدمات اور انکوائریز اور نیب کے پاس 3 مقدمات زیر التوا ہیں۔اس کے علاوہ توشہ خانہ فوجداری کیس میں بانی پی ٹی آئی کی سزا کے خلاف اپیل بھی زیر التوا ہے۔ بانی پی ٹی آئی کے خلاف اکتوبر، نومبر، اور دسمبر کے احتجاج کے تناظر میں بھی مقدمات درج کیے گئے ہیں۔

کریڈٹ : انڈیپنڈنٹ نیوز پاکستان-آئی این پی