وفاقی وزیر منصوبہ بندی احسن اقبال نیکہا ہے کہ عمران خان سزا یافتہ مجرم ہیں، ان کیخلاف کوئی سیاسی مقدمہ نہیں۔۔ایک نجی ٹی وی سے گفتگو کرتے ہوئے احسن اقبال نے کہا کہ پی ٹی آئی حکومت کو آئینی طریقے سے ہٹایا گیا، تحریک عدم اعتماد سے قبل ہی خزانہ خالی کا اعلان ہوگیا تھا، کچھ لوگ اکٹھے ہوکر اسلام آباد پر چڑھائی کرتے ہیں، کچھ لوگ ریاست کے خلاف مہم چلارہے ہیں، پی ٹی آئی کے کچھ لوگ خود ساختہ جلاوطن ہیں۔احسن اقبال نے کہا کہ اللہ نے بھارت کے خلاف پاکستان کو بڑی کامیابی عطا کی، امریکی صدر ڈونلڈ ٹرمپ نے ہمارے فیلڈ مارشل کو دعوت دی، بھارت کے بجائے پی ٹی آئی نے احتجاج کیا، بانی پی ٹی آئی عمران خان سزا یافتہ مجرم ہیں، بانی پی ٹی آئی کے خلاف کوئی سیاسی مقدمہ نہیں۔وفاقی وزیر نے مزید کہا کہ ملک میں اس وقت مخلوط حکومت ہے، مسائل کے حل کے لیے ہم سب کو مل کرکوشش کرنا چاہیئے، حکومت کے ساتھ تعاون کرنے والوں کو ویلکم کریں گے، ریاست کو نقصان پہنچانے والوں سے سختی سے نمٹیں گے، ہر ریاست اپنے مفادات کا تحفظ کرتی ہے۔

کریڈٹ: انڈیپنڈنٹ نیوز پاکستان-آئی این پی