آپریشن بنیان مرصوص میں پاکستان کی تاریخی عسکری فتح پر ملک بھر میں خوشی کا سماں ہے جبکہ عالمی سطح پر بھی پاکستانی افواج سے اظہار یکجہتی اور جشن کا سلسلہ جاری ہے۔تفصیل کے مطابق آذربائیجان میں عوام نے سڑکوں پر نکل کر افواجِ پاکستان کی کامیابی پر جشن منایا اور پاکستان زندہ باد کے نعرے لگائے۔ آذربائیجانی شہریوں نے پاکستانی پرچم تھامے افواجِ پاکستان کو خراجِ تحسین پیش کیا۔ اسی طرح لندن کی سڑکوں پر بھی پاکستانی کمیونٹی کی جانب سے ریلی نکالی گئی، جس میں لوگ پاکستانی پرچم اٹھائے پاکستان زندہ باد کے فلک شگاف نعرے لگاتے رہے۔ شرکا نے بنیان مرصوص میں پاکستان کی فتح کو دشمن کے غرور کا خاتمہ قرار دیا۔ پاکستانی قوم کے ساتھ ساتھ عالم اسلام میں بھی اس کامیابی پر خوشی کی لہر دوڑ گئی ہے۔ ماہرین کے مطابق یہ فتح صرف عسکری سطح پر نہیں بلکہ اخلاقی اور نظریاتی سطح پر بھی دشمن کے بیانیے کی شکست ہے۔

کریڈٹ: انڈیپنڈنٹ نیوز پاکستان-آئی این پی